Област на работа

Кривично право

Одбрана на осомничени и обвинети, застапување на оштетени, кривични пријави, жалби, спогодување со јавен обвинител и прекршочни постапки.

Даваме правна помош во сите фази на кривичната постапка: од претходната постапка и истрагата, преку главниот претрес, до жалбената постапка. Застапуваме осомничени, обвинети и оштетени лица, физички и правни, во согласност со Законот за кривичната постапка. Кривичната постапка е формална и роковите во неа се кратки, па е значајно правната помош да биде обезбедена уште во раната фаза на постапката.

Одбрана на осомничени, обвинети и осудени лица

  • Застапуваме во сите фази на постапката: истрага, обвинение, главен претрес и постапка по правни лекови.
  • Застапуваме во постапки за спогодување со јавниот обвинител, во сите фази од постапката.

Застапување на оштетени лица

Застапуваме оштетени физички и правни лица во кривичната постапка, вклучително и при поставување имотноправно барање за надомест на штета. Подготвуваме кривични пријави.

Правни лекови

Подготвуваме жалби и други правни поднесоци против одлуки донесени во кривичната постапка и застапуваме во постапката пред второстепениот суд.

Обештетување и прекршочни постапки

  • Застапуваме во постапки за надомест на штета поради неоснована осуда или незаконито лишување од слобода, вклучително и притвор.
  • Застапуваме и во прекршочни постапки, во сите фази.

Други области